Ongeleka ya ELCIN moshilongo oya dhimbulukwa omivo 150 dhetumo komukunda Omandongo, moshikandjohogololo Onayena moshitopolwa Oshikoto osoondaha.
Shika osha landula kasoomi mboka yeeta etumo lyotango mowambo noya thikile pomukunda Omandongo muuyanda wegumbo lyomukwanilwa Shikongo shaKalulu.
Omasiku sho gali 9 July 1870, aasomi mboka yathiki momukunda omandongo okuza ko Finland oya taambwako komukwaniilwa Shikongo, mpoka ya tseyitha omalalakano gawo oku taakana omafuta nokuya mo Namibia omolwa etseyitho lyevaangeli.
Aatumwa oyali 8 mboka ya thiki pOmandongo noya kwatelwa komeho ku Martin ‘Nakambale’ Rautanen notaula nkalamwenyo ye oyazi momuvo 1845-1926.
Ehala ndika otali adhika omukaakena goo Kilometres 10 lwaapoka okuza pondjila onene pOnathinge moshikandjo-hogolo Onayena.
Omolwa oshipinga sho Coronavirus moshilongo, oshimaliwa shongalo ndjoka yuumbwa melongelo Kalunga lyoku dhimbulukwa omivo 150 dhetumo, osha nuninwa oku yambidhidhe aantu mboka yeli komahala go kwiikalekelwa koshitopwa Erongo, no ngeleka otayi tala kiikwathitha mbyoka yapumbiwa pethimbo ndika, yize moshilwaliwa shoo N$ 5 570,15.
Omukwaniilwa gwOndonga Fillemon Shuumbwa Nangolo pethimbo lyedhimbuluko ndika, okwa gandja wo ethano ndyoka atseyithilwa nkene omalelo gomithigulukwalo gataambako etumo mOwambo.
“Ondali ndina omivo 11 pethimbo ndeya pehala ndika pOmandongo, pethimbo lyepatululo lyemanya lyombila yomukwaniilwa Shikongo shaKalulu ngele ote dhimbulukwa nawa oshali 1980 lwaampoka,” Nangolo tati.
Okwati pethimbo lyaakwaniilwa yonale, opwali puna ooveta ndhoka dhaahena nomwenyo gomuntu kehe.
“Omusamane gomukuluntu ndahungilile naye, okwa lombwele ndje kutya pethimbo ndikaya aakwaniilwa oyali aayipangeli, ooveta ohadhi gandjwa okuza komukwaniilwa dhuuka momalenga, nokuza momalenga odhuuka moshigwana oombwaanawa nenge oombwiinayi,” omukwaniilwa tatsikile.
Okwa tsikile tahokolola shoka alombwelwa pethimbo ndyika kutya oshinyangadhalwa kehe tashi ningwa komuntu oshina egeelo lyasho, unene tuu shuuka kegeelo lyeso.
“Okwali kuna oveta uuna wayono iikando 4 nenge 5 mokati koshigwana shetu, oho dhiingilwa moshipa shongombe onduudhe oshitalala, otakuti inda wa lalekwa okuya muuyuni. Naashika oshali eethelo ku kehe gumwe uuvite ahala oku dhipaga omuntu ngele okweku tsakaneke, nokaakuna nande oveta tayi pitithwa komukwaniilwa wulandulwe,” Ngolo tahokolola.
Okwati okwa kala wo ooveta odhindji tadhi lulumike, ashike kalunga okwa kalapo omivo dhonale, omolwa ashike aantu mboka taya gandja etseyithilo lyevaangeli kayalipo oku tseyithila aantu kutya Kalunga kashili oko akala.
Christian Itope ngoka eli amushanga gwetumo moshikandjo ngeleki shokuuzilo, okwa popi kombinga yoshihongwa thano shoka tashaadhika pehalandyoka.
“Oshihongwa thano shika oshili onga endhindhiliko lyoku yelitha mpoka pwa taambelwa aasoomi yotango mowambo, nopehala mpoka opo woo pwa ningwa elongelo Kalunga lyotango momasiku 10 July 1870.
Omusamane Itope okwati oshihongwa thano shoka osha longwa pamuthika gwiihongwa thano iikwawo mbyoka yili moshilongo, ashike shika osha longwa mo Namibia momukunda Okapya mOndangwa moshitopokwa Oshana.
Omuwiliki Bishop Dr Shekutaamba Vaino yaVaino Nambala moshitayi ngeleki shokuuzilo nambushe miilonga Dr Veikko Munyika koshitayi ngeleka shuuninginino, oya holoka mosoondaha yedhimbuluko ndika.